<?xml version="1.0" encoding="UTF-8"?><song><author>P. Nilsen-Lund</author>
<hymn_number>376</hymn_number>
<lyrics>[V1]
 Mpanota ory sy mahantra
 Henoy ny teny ho anao
 Jesosy Tompo be fiantra,
 Nisolo voina anao,
 Ka Izy feno indrafo
 Mitaona anao hiova fo.

[V2]
 Jesosy Tompo sy Mpamonjy
 Miantso ny anaranao
 « Mpanota very mila vonjy
 Minoa Ahy hianao ;
 Ny sainao aoka ho vaovao,
 Ny fomba ratsy ialao ! »

[V3]
 Jesosy koa mampahery
 Ny sasatra ao an-dalana ;
 Ny rany soa manan-kery
 Hahafaka ny entana ;
 Jesosy tsy mandroaka
 Ny ory izay manatona.

[V4]
 Ka itokianao ny teny
 Naloaky ny vavany !
 Ny mino Azy hovonjeny
 Hanatrika ny tavany.
 Sakaizako mahantra ô !
 Ario ny famoizam-po.</lyrics>
<title>Mpanota ory sy mahantra FFPM376</title>
</song>